რესპუბლიკელების ერთ-ერთი ლიდერი, თინა ხიდაშელი ენმ-ს წევრის, რომან გოცირიძის მიერ ეროვნულ ბანკთან დაკავშირებულ განცხადებას ეხმაურება და განმარტავს, რომ ხელისუფლება ლარის კურსის შენარჩუნებას ცდილობს იმისთვის, რომ მოსახლეობაში ნეგატიური განწყობა არ გამოიწვიოს:

"რა თქმა უნდა, ეს ემსახურება წინასაარჩევნოდ ლარის კურსის შეჩერებას. ხელოვნურად თუ იჭერ ვალუტას იმიტომ, რომ საარჩევნო პროცესის დროს ხალხი არ გაბრაზდეს ხელისუფლებაზე, ეს, რა თქმა უნდა, შემდეგ უკვე ძალიან მძიმე შედეგის მომტანი იქნება".

საკითხთან დაკავშირებით კომენტარს აკეთებს უმრავლესობის წევრი, გია ჟორჟოლიანიც და ამბობს, რომ ბანკი მოსახლეობისა და ეკონომიკური ინტერესების გათვალისწინებით მოქმედებს:

"ეროვნული ბანკი მოქმედებს ქვეყნის ეკონომიკის, მოქალაქეების ინტერესების შესაბამისად და იმ მონეტარული პოლიტიკის ფარგლებში, რომელიც უზრუნველყოფს მაქსიმალურად მაკროეკონომიკური სტაბილურობის შენარჩუნებას ქვეყანაში".

რომან გოცირიძე წინასაარჩევნოდ ეროვნულ ბანკის მიერ განხორციელებულ პოლიტიკას არასწორად მიიჩნევს და განმარტავს, რომ ბანკი ინტერვენციას მთავრობის მოთხოვნით ახორციელებს იმისათვის, რომ წინასაარჩევნოდ მოსახლეობის განწყობა არ იყოს ნეგატიური.