გადაცემა P.S.-ის წამყვანის, გიორგი გაბუნიას რუსთავი 2-დან გათავისუფლება რუსული მედიის ყურადღების ცენტრშიც მოექცა. "ჟურნალისტი, რომელმაც პუტინს აგინა, გაათავისუფლეს", — ამბავი ადგილობრივი გამოცემების აბსოლუტურ უმრავლესობაში ამ ჰედლაინით მოხვდა.

სახელისფლებო მედიები RIA, NTV მოკლედ წერენ იმაზე, რომ არხიდან სხვა ჟურნალისტები და მათ შორის, საინფორმაციო სამსახურის უფროსი გაათავისუფლეს და ვრცლად ყვებიან "გაბუნიას სკანდალზე". ხოლო დამოუკიდებელი მედიები, მათ შორის Meduza და დოჟდი მკითხველს ამბის მოკლე შინაარს სთავაზობენ.

გიორგი გაბუნიამ ეთერში ვლადიმერ პუტინს რამდენიმე თვის წინ აგინა. ამ საკითხმა განსაკუთრებული ყურადღება მიიქცია მთავრობის პირველი პირებისა და ჰომოფობიური ჯგუფების მხრიდან. მთავრობა საერთაშორისო ორგანიზაციებს რეაგირებას, ჰომოფობიური ჯგუფები კი არხს ჟურნალისტის და დირექტორის გათავისუფლებას და გამოძიების დაწყებას სთხოვდნენ.

ქიბარ ხალვაშის მიერ რუსთავის 2-ის გადაფორმებიდან ერთი თვის თავზე არხიდან გაათავისუფლეს საინფორმაციო სამსახურის უფროსი ნოდარ მელაძე. შვებულებიდან დაბრუნების შემდეგ კი გაათავისუფლებენ საზოგადოებრივი და პოლიტიკური ტოქ-შოუს მთავარ პროდიუსერს, გიორგი ლაფერაშვილს; პოლიტიკური გადაცემების წამყვანებს, გიორგი გაბუნიასა და ეკა კვესიტაძეს და გასართობი გადაცემის ავტორსა და წამყვანს, ნანუკა ჟორჟოლიანს. ახალმა დირექტორმა, პაატა სალიამ მათი გათავისუფლების მიზეზად "ინტერესთა კონფლიქტი" და "შიდა ომები" დაასახელა.

გაიგეთ მეტი ჟურნალისტების გათავისუფლების მიზეზებზე: