ვილ ქათკარტი ამერიკელი ჟურნალისტია, რომელიც თბილისში ცხოვრობს. ის არის საქართველოს პრეზიდენტის ყოფილი მრჩეველი მედიის საკითხებში. ჟურნალისტი CNN-ზე ნააზრევს აქვეყნებს და ტურისტებს მსოფლიოდან მოუწოდებს ჩამოვიდნენ საქართველოში.

"ძვირფასო მოგზაურებო, ღვინის მსმელებო, მთასვლელებო, ზღვაზე დასვენების მოყვარულებო, რომანტიკოსებო, ისტორიკოსებო, ყველას, ვინც ეძებთ თავგადასავალს ან გინდათ, რომ რუსეთის პრეზიდენტს ვლადიმერ პუტინს ავნოთ, საქართველოს თქვენ სჭირდებით. თუ როდესმე გიფიქრიათ ესტუმროთ შავი ზღვის ერს, რუსეთსა და თურქეთს შორის, ახლა საუკეთესო დროა. ისინი კი, ვინც უკვე იყავით, დროა დაბრუნდეთ.

საპროტესტო აქციების საპასუხოდ პუტინი ცდილობს დასაჯოს, დაიმორჩილოს და გააკოტროს ქართველი ხალხი, რომელიც ხელისუფლებას სიმართლეს ეუბნება. დასაჯოს იმის გამო, რომ ქართველი ხალხი იყენებს საკუთარ უფლებას, თავისუფლად შეიკრიბოს და გამოხატოს საკუთარი აზრი...

რატომ აკეთებს პუტინი ამას? ორი მიზეზია:

პირველი — მას ეშინია, რომ რუსი ხალხი ნახავს პროტესტს საქართველოში და იმავეს გაიმეორებს რუსეთშიც;

მეორე — პუტინს სურს, რომ გაავრცელოს ნარატივი, რომ პროტესტი რუსოფობიურია.

ეს ასე არ არის, მიუხედავად იმისა, რომ პუტინის ანექსიის შედეგად საქართველოს 20% ოკუპირებულია. სიმართლე რთულია, თუმცა ადვილი გასაგებად.

საქართველოს თავისი ტერიტორიების დაბრუნება უნდა და მათი მიზანია, ეს სურვილი, ტურისტებსაც გაუზიაროს, რადგან ქართველები საკუთარი მიწით ამაყობენ.

საქართველოს ოკუპაციის ისტორია მტკივნეული და მწარეა. ქართველები ღიად დებატობენ ამ საკითხზე, გამოხატვის თავისუფლების დახმარებით. ეს თავისუფლება პუტინს ჯარზე მეტად აშინებს. ქართველ ხალხს აქვს სერიოზული პრობლემა კრემლთან, თუმცა ეს არ ნიშნავს, რომ პრობლემა აქვს რუს ხალხთანაც.

საქართველოში რუსებს კეთილგანწყობილად ხვდებიან და ყოველთვის ასე იყო. თუმცა, რუსებს ტანკებზე — არა. ქართველები საკუთარ თავს ევროპელებად თვლიან, მაგრამ რუსული კულტურა უყვართ. რუსული ენას, ლიტერატურას, ფილმებს, ბალეტს ამ ქვეყანაში პატივს სცემენ. სინამდვილეში, რუსებსა და ქართველებს ახლა იმაზე ბევრი საერთო აქვთ, ვიდრე ოდესმე ჰქონიათ. ორივე ქვეყანა ოკუპირებულია ვლადიმირ პუტინის მიერ, მისი კორუფციული კრონებით.

ახლა ის დროა, როცა უნდა დავეხმაროთ მყიფე ევრაზიულ დემოკრატიას. დასავლეთის საელჩოები თბილისში აშშ-ს გავლით, სწორედ, ამას აკეთებენ. ისინი ახალისებენ სოციალური მედიის მომხმარებლებს, რომ ეწვიონ საქართველოს. თუ საკმარისი ხალხი ჩავა საქართველოში, პუტინის გეგმა ვერ გამართლდება.

საქართველო ცხოვრობს ყველაზე დიდი ქვეყნის საშიში ჩრდილის ქვეშ. აგორებული კამპანია სოლიდარობის შთამაგონებელი მაგალითია. საქართველოს მხარდაჭერა ევროკავშირისა და ნატოს მიმართ რეკორდულ ნიშნულს მიუახლოვდა. თუმცა, ორივე ორგანიზაცია, საქართველოს დახმარებისა და მისალმების მიუხედავად, რუსეთის ზეწოლის პირობებში მაინც ჩიხშია. მიუხედავად მათი წარსული დაპირებებისა, ცხადია, რომ არც ერთი არ მოდის საქართველოს დასახმარებლად, მაგრამ საქართველოს დახმარება ამ ქვეყნების მოქალაქეებს შეუძლიათ. ერთადერთი, რისი გაკეთებაც საჭიროა, საქართველოში ჩასვლაა.

ათწლეულების განმავლობაში საქართველოში არაერთი იმპერია შეიჭრა, თუმცა საქართველო მაინც გადარჩა. ქართველებმა იციან მოქალაქეებისა და მათი მთავრობის გარჩევა. ეს გადამწყვეტია ოკუპაციის პირობებში გადასარჩენად.

არ აქვს მნიშვნელობა, საიდან ხართ, ახლა საქართველოს თქვენ სჭირდებით. მოდით, ვუპასუხოთ პუტინს და მისი ბოროტ აკრძალვას. დატკბით უძველესი ისტორიის მქონე ღვინით და ინოვაციური სამზარეულოთი. აღმოაჩინეთ ულამაზესი ქვეყანა, მომაჯადოებელი კავკასიის მთებით და შავი ზღვის სანაპიროთი.

ასე თქვენ პატარა ქართულ დემოკრატიას გაღვივებაში დაეხმარებით, წინ აღუდგებით გეოპოლიტიკურ მჩაგვრელს და ცხოვრებაში საუკეთესო დროს გაატარებთ. ისევე, როგორც 3,7 მილიონი ქართველი, მეც მზად ვარ, მეგზურობა გაგიწიოთ".

#spendyoursummeringeorgia