ამერიკის სამხედრო დაზვერვა ვარაუდობს, რომ რუსეთი საიდუმლოდ დაბალი სიმძლავრის ბირთვულ ცდებს ატარებს, რითაც მორატორიუმს არღვევს.

"აშშ-ს მიაჩნია, რომ რუსეთი მორატორიუმის პირობებს ბირთვული ცდების "ნულოვან" სტანდარტს არ ითვალისწინებს", — განაცხადა პენტაგონის სამხედრო დაზვერვის ხელმძღვანელმა, რობერ ეშლიმ.

რუსმა გენერალმა, ვლადიმირ შამანოვმა, რომელიც სახელმწიფო დუმაში თავდაცვის კომიტეტს ხელმძღვანელობს, განაცხადა, რომ პენტაგონის განცხადება უპასუხისმგებლოა. მისი თქმით, დღევანდელ პირობებში საიდუმლოდ ბირთვული ცდების ჩატარება შეუძლებელია.

ბირთვული იარაღის ცდების აკრძალვის შესახებ შეთანხმება გაეროს გენერალურმა ასამბლეამ 1996 წელს მიიღო. აშშ-ში 1992 წლის შემდეგ ბირთვული ცდები აკრძალულია. აშშ პირველი ქვეყანა იყო, რომელმაც გაეროს შეთანხმებას ხელი მოაწერა, თუმცა კონგრესმა მის რატიფიკაციაზე უარი თქვა. რუსეთმა დოკუმენტს ხელი 2000 წელს მოაწერა.