ჰარი პოტერმა და მისმა მეგობრებმა რომ მაგლების ანუ არაჯადოქრების სამყარო შეცვალეს ახალი ამბავი არ არის. პოტერის უდიდესი პლუსი მისი პერსონაჟებია. დენიელ რედკლიფმა, ემა უოტსონმა და რუპერტ გრინტმა 11 წლის მანძილზე ისე გაითავისეს საკუთარი პერსონაჟები, რომ მაყურებლისთვის მათი სახელები და გვარები სამუდამოდ ჰოგვარტსის ჯადოქრებთან იქნება .

გადამღებ ჯგუფს, ყოველ ახალ ფილმში, ბრიტანეთის სამსახიობო არმია ემატებოდა და საბოლოო ჯამში გამოვიდა ისე, რომ თითქმის ყველა დიდმა ბრიტანელმა მსახიობმა, პოტერიადას რომელიმე სერიაში მაინც მიიღო მონაწილეობა, მაგალითად, მეგი სმიტი, ჰელენა ბონემ კარტერი, მაიკლ გემბონი, გარი ოლდმანი და ემა ტომფსონი.

ზუსტად იგივეს თქმა შეიძლება HBO-ს ყველაზე ტიტულოვან სერიალ სამეფო კარის თამაშებზე, რომელმაც უკვე თქვა თავისი სიტყვა შოუების ისტორიაში.

ჰარი პოტერსა და სამეფო კარის თამაშებს მინიმუმ ათი საერთო რომ აქვთ თუ იცით?

წარმოგიდგენთ პოტერიადას 10 ვარსკვლავს, რომლებმაც ჰოგვორტსიდან ვესტეროსში გადაინაცვლეს.

ჯიმ ბროუდბენტი

ფოტო: Warner Bros. Pictures; Danny Martindale/WireImage

ჯობია სიახლით დავიწყოთ და შეგახსენოთ, რომ ოსკარის მფლობელი ინგლისელი მსახიობი ჯიმ ბროუდბენტი სერიალ სამეფო კარის თამაშების მეშვიდე სეზონში გამოჩნდება. როგორც ამბობენ ბროუდბენტის პერსონაჟი სამეფო კარის თამაშების ახალ სეზონში ძალიან მნიშვნელოვან როლს შეასრულებს, თუმცა, რა თქმა უნდა, ჯერ არ ხმაურდება ვის როლს ითამაშებს. ჰარი პოტერის სამსახიობო ანსამბლს ის 2009 წელს ჰარი პოტერი და ნახევარპრინცის გადაღებების დროს პროფესორ ჰორაციუს სლაგჰორნის პერსონაჟით შეუერთდა.


მიშენ ფეირლი

ფოტო: youthconnect

მანამ სანამ მიშენ ფეირლი სამეფო კარის თამაშებში კეტლინ სტარკის როლში მოგვევლინებოდა, მან პოტერიადაში პატარა, თუმცა საკმაოდ ემოციურ სცენაში ითამაშა, ის ჰერმიონ გრეინჯერის დედის როლს ასრულებდა.

დეივიდ ბრედლი

ფოტო: Warner Bros/Courtesy Everett Collection; Helen Sloan/HBO

დეივიდ ბრედის ჰარი პოტერის ფილმებში მნიშვნელოვანი როლი ჰქონდა, არც მეტი არც ნაკლები ჰოგვარტსის დარაჯი არგუს ფილჩი ითამაშა. სამეფო კარის თამაშებში ფრეიების სახლის დარაჯობა დაევალა და სახელიც შეიცვალა არგუსი ვალდერ ფრეიდ გადაიქცა.

ნატალი ტენა

ფოტო: Warner Bros.; Helen Sloan/HBO

ნატალი სამეფო კარის თამაშებში პირველად 2011 წელს ოშას როლში გამოჩნდა. ჰარი პოტერში კი ნიფადორა ტონქსი გახლდათ და რემუს ლუპინზე დაქორწინდა.

რალფ აინსონი

ფოტო: HBO

სამეფო კარის თამაშების მაყურებელმა რალფი დაფმერ კლეფჯოუის როლით გაიცნო 2012 წელს. რამდენიმე წლით ადრე კი ის სიკვდილის მხვრელი იყო პოტერიადას სამ ფილში.

კაირონ ჰაინდზი

ფოტო: Warner Bros/Courtesy Everett Collection; Helen Sloan/HBO

კაირონი ჰარი პოტერში თვით ალბუს დამბლდორის ძმას აბერფორტ დამბლდორის როლს ასრულდება, სამეფო კარის თამაშებში კი მანს რაიდერის პერსონაჟი განასახიერა.

ფრედი სტრომა

ფოტო: Warner Bros/Courtesy Everett Collection; Macall B. Polay/HBO

გრიფინდორის სტუდენტი კორმაკ მაკლაგენი HBO-ს ეკრაზე სამველ ტარლის ძმის როლში მოგვევლინა.

ჯულიან გლოვერი

ფოტო: HBO

მისი ხმით ამეტყველებული ობობა ჰარი პოტერში გვახსოვს, სამეფო კარის თამაშებში კი იმდენად გაკადნიერდა, რომ კამერის წინ გამოჩენაც მოინდომა.

ბრონსონ უები

სლიზერინის სტუდენტმა CV გააგზავნა და ღამის გუშაგად დაიწყო მუშაობ.

ნიკოლას ბლეინი

ფოტო: HBO

ჰარი პოტერში თუ მინისტრი იყო, HBO-მ დააწინაურა და მეფედ აკურთხა.

ჰოგვორტსიდან ვესტეროსამდე ერთი ნაბიჯია © ალბუს დამბლდორი

სამეფო კარის თამაშების მეშვიდე სეზონის პრემიერა, რომელსაც ჩრდილოეთ ირლანდიაში, ესპანეთსა და ისლანდიაში გადაიღებენ 2017 წელს გაიმართება და ის წინამორბედებისგან განსხვავებით შვიდი ეპიზოდისგან შედგება.

შაბათი 15 აპრილი:

  • 15:00 ჰარი პოტერი და ფილოსოფიური ქვა
  • 17:30 ჰარი პოტერი და საიდუმლო ოთახი
  • 20:30 ჰარი პოტერი და აზკაბანის ტყვე
  • 23:00 ჰარი პოტერი და ცეცხლოვანი თასი

კვირა 16 აპრილი:

  • 15:00 ჰარი პოტერი და ფენიქსის ორდენი
  • 17:00 ჰარი პოტერი დ ნახევარპრინცი
  • 20:00 ჰარი პოტერი და სიკვდილის საჩუქრები: პირველი ნაწილი
  • 22:45 ჰარი პოტერი და სიკვდილის საჩუქრები: მეორე ნაწილ