Yandex Taxi-ს ქართულ ბაზარზე შემოსვლასთან დაკავშირებით, კვლევებისა და კონსულტაციის გლობალურმა კომპანიამ ACT-მ თბილისში ონლაინ კვლევა ჩაატარა.

კვლევის შედეგად გაირკვა, რომ თბილისის მოსახლეობის 73%-ს სმენია Yandex Taxi-ს შესახებ, ხოლო 12%-ს უსარგებლია მათი სერვისით.

ACT-ის ცნობით, თბილისის მოსახლეობის 43% მომავალში ისარგებლებდა Yandex Taxi-ს მომსახურებით.

კვლევა ეისითიმ 2016 წლის სექტემბერში ჩაატარა. შემთხვევითი შერჩევით გამოიკითხა თბილისის 404 ზრდასრული მაცხოვრებელი. ცდომილება არ აღემატება 4,9%-ს.

რუსული აპლიკაცია Yandex Taxi ქართულ ბაზარზე 24 აგვისტოს შემოვიდა.