ვისაც ერთხელ მაინც უნახავს იაპონური რეკლამები და პოპკულტურა, იქნება ეს მუსიკალური კლიპები, შოუები თუ სხვა, ყველამ იცის, რომ ამომავალი მზის ქვეყანა ამ კუთხითაც ყველაზე გამორჩეული და "გასული" ქვეყანაა.

ეს ვიდეო ერთ იაპონელ გამომგონებელს ეკუთვნის, რომელმაც ჩათვალა, რომ კაცობრიობას და განსაკუთრებით მარათონზე მორბენლებს აკლიათ და ძალიან სჭირდებათ რობოტი, რომელსაც ისინი სირბილისას კისერზე დაისვამენ და მისი დახმარებით პომიდორს შეჭამენ.

თავისი გამოგონების გასაპიარებლად მავა დენკიმ სიმღერაც შექმნა, რომელშიც ირკვევა, რომ ეს აპარატი სულ რაღაც 8 კილოს იწონის და სირბილში ხელს არავის შეუშლის.

მის გვერდით მდგარი უცხოპლანეტელი კი გვაჩვენებს ბანანს, რომელიც სირბილის დროს ადვილი შესაჭმელი ყოფილა.

ჯერ უცნობია, იგეგმება თუ არა რობოტის მასობრივი წარმოება.