შინაგან საქმეთა სამინისტროს თანამშრომლებმა რასობრივი ნიშნით შეურაცხყოფის მიყენებისთვის ერთი პირი დააკავეს. გამოძიების ინფორმაციით, მან რუსთავში, საზოგადოებრივ ტრანსპორტში, კანის ფერის გამო სიტყვიერი და ფიზიკური შეურაცხყოფა მიაყენა კამერუნის მოქალაქეს.

გამოძიება სიცოცხლისათვის ან ჯანმრთელობისათვის საშიში ძალადობით ანდა ასეთი ძალადობის გამოყენების მუქარით ჩადენილ რასობრივი დისკრიმინაციის საქმეზე, საქართველოს სისხლის სამართლის კოდექსის 142¹-ე მუხლის მე-2 ნაწილის "ა" ქვეპუნქტით მიმდინარეობს. ამ მუხლით ორიდან ხუთ წლამდე პატიმრობაა გათვალისწინებული.