მართალია, ოსკარს ჯერ ცხოველების კატეგორია არ აქვს დამატებული, მაგრამ ეს ძაღლი ნომინაციაში მოხვედრას ნამდვილად იმსახურებს.

გაიცანით ოლივია, პატარა თეთრი ძაღლი, რომელმაც წელს იმაზე მეტ პროექტში ითამაშა, ვიდრე მაგალითად მერილ სტრიპმა ან ტომ ჰენკსმა.

ოლივია გამოჩნდა ნეტფლიქსის სერიალში Insatiable, ასევე ფილმებში - Game Night და Widows. ეს უკანასკნელი, წლის ერთ-ერთ მთავარ კინომოვლენად ითვლება და ოსკარზე მას მინიმუმ სამ კატეგორიასაც უწინასწარმეტყველებენ.

სამი წლის ოლივიას საკმაოდ შესაშური ფილმოგრაფია აქვს და დღეს ჰოლივუდში ერთ-ერთი მოთხოვნადი ძაღლია.