თბილისის საქალაქო სასამართლომ გაუპატიურების მცდელობისა და ძარცვისთვის პირს რვა წლით თავისუფლების აღკვეთა მიუსაჯა.

გამოძიების ვერსიით, მსჯავრდებულმა 2018 წლის 2 იანვარს, ღამის საათებში ბლაგვი საგნის ჩარტყმით ერთი პირი წააქცია და მისი გაუპატიურება სცადა. დაზარალებულის მიერ წინააღმდეგობის გაწევის გამო მან განზრახვა სისრულეში ვერ მოიყვანა, რის შემდეგაც წაქცეულის ჩანთა გაიტაცა და მიიმალა.

დაკავებულს ბრალდება სისხლის სამართლის კოდექსის 178-ე მუხლის მეორე ნაწილის "ა", მესამე ნაწილის "ბ" და "დ" ქვეპუნქტებით და 19-137-ე მუხლის პირველი ნაწილით წარედგინა. აღნიშნული მუხლები გულისხმობს არაერთგზის ძალადობით ჩადენილ ძარცვას, რამაც მნიშვნელოვანი ზიანი გამოიწვია და გაუპატიურების მცდელობას.