ნოვოსიბირსკში არსებულმა რუსეთის ხელოვნების უნივერსიტეტის ადმინისტრაციამ მართლმადიდებელი მღვდლების დასახვედრად, დაწესებულებაში არსებული შიშველი ქანდაკებები ნაჭრებით "შემოსა".

ქანდაკება დაფარვამდე და დაფარვის შემდეგ

მათ კლასიკური ნამუშევრების დასაფარად თეთრი და სტაფილოსფერი ზეწრები გამოიყენეს. უნივერსიტეტი რუსეთში ერთ-ერთ ყველაზე პრესტიჟულად ითვლება. მისმა წარმომადგენელმა ჟურნალისტებს უთხრა, რომ ვერ აუხსნიდა ქანდაკების დაფარვის მიზეზს.

რუსული მართლმადიდებლური ეკლესიის წარმომადგენელმა კი თქვა, რომ ქანდაკებების დაფარვა აუცილებელი არ იყო:

"უნივერსიტეტს ზედმეტი მოუვიდა, თუ ეს მღვდლების დისკომფორტის არიდებისთვის გააკეთა", - თქვა მან და დასძინა, რომ ეკლესია უნივერსიტეტისგან ასეთ ნაბიჯს არ მოელოდა.