შენიშვნა: ფოტოზე გამოსახული "მფრინავი ცხვარი" ინციდენტთან კავშირში არ არის.

ირლანდიაში სალაშქროდ წასულ თინეიჯერ ბიჭს მთიდან ჩამოვარდნილი ცხვარი დაეცა. საბედნიეროდ, ინციდენტის დროს ის სხვა მოლაშქრეებთან ერთად იყო, რომლებმაც სასწრაფო დახმარება მაშინვე გამოიძახეს.

ადგილზე მისულმა მაშველებმა ბიჭს პირველადი დახმარება აღმოუჩინეს და საავადმყოფოში თვითმფრინავით გადაიყვანეს. ბიჭს დაზიანებები თავზე, ზურგზე, კისერზე, მუცელზე და ფეხზე აღენიშნებოდა.

როგორც მაშველები ფეისბუქზე გამოქვეყნებულ პოსტში წერენ, ცხვარი შემთხვევას უვნებელი გადაურჩა და ტერიტორია საკუთარი ძალებით დატოვა.