პენსილვანიის შტატში 300 კათოლიკე მღვდელი 1 000-ზე მეტ ბავშვზე სექსუალურ ძალადობაში დაადანაშაულეს. საქმეზე გამოძიება ორი წელი მიმდინარეობდა. ზოგიერთი ბრალდებული სასულიერო პირი უკვე გარდაცვლილია.

საგამოძიებო ანგარიში გენერალურმა პროკურორმა წარმოადგინა და განაცხადა, რომ ეს იყო ყველაზე ვრცელი ანგარიში ამერიკის ისტორიაში, როდესაც სასულიერო პირები სექსუალურად ძალადობდნენ.

Euronews-ის ცნობით, რამდენიმე ეპარქიამ უკვე გამოაქვეყნა განცხადებები, სადაც ისინი ბოდიშს იხდიან და აცხადებენ, რომ იღებენ ზომებს, რათა შეაჩერონ კრიმინალური მოქმედებები.