მსახიობი იზაბელ იუპერი Mad Men-ის შემქმნელის მეთიუ ვეინერის ახალ დრამაში The Romanoffs, რომელსაც ამაზონი გადაიღებს, ერთ-ერთ მთავარ როლს შეასრულებს.

აღსანიშნავია ისიც, რომ იუპერს პარტნიორობას სწორედ Mad Men-ის ორი ვარსკვლავი კრისტინა ჰედრიკსი და ჯონ სლატერი გაუწევენ.

მეთიუ ვეინერის ახალ სერიალში მოქმედება თანამედროვე ეპოქაში ხდება, თუმცა ის იმ ადამიანებზე მოგვითხრობს, რომლებსაც თავი რომანოვების შთამომავლები ჰგონიათ.

ეს არის სამ კონტინენტზე, შვიდ ქვეყანაში მომხდარი 8 ადამიანის ისტორია, რომელიც ერთ გვარს უკავშირდება.

სერიალის პრემიერა 12 ოქტომბერს იგეგმება.