ბრიტანულ ნიჭიერში სცენაზე ექიმები აცვივდნენ, მას შემდეგ, რაც ილუზიონისტმა მეტ ჯონსონმა, უჰაეროდ გატარებული რამდენიმე წუთის შემდეგ, კინაღამ გონება დაკარგა.

მან 2 წუთი და 21 წამი გაატარა წყლით სავსე მინის ყუთში - ეს დრო ბევრად აღემატებოდა უჰაეროდ გატარებულ უსაფრთხო ნორმას, რაც 1 წუთსა და 45 წამს შეადგენს. სწორედ ამის შემდეგ ავიდა სცენაზე სამედიცინო პერსონალი.

ვიდეოს ყურება ძალიან რთულია, განსაკუთრებით მაშინ, როცა ილუზიონისტის გათავისუფლების შემდეგ ხალხი ამ ყველაფერს შოუდ აღიქვამს და ფეხზე ოვაციებით დგება.