შეიძლება თქვენ ეს უკვე დიდი ხანია შენიშნეთ, მაგრამ მკვლევარებმა სულ ცოტა ხნის წინ დაადგინეს, რომ ბოლო 30 წლის განმავლობაში პოპ-მუსიკა ბევრად სევდიანი და ამავდროულად, რიტმული გახდა, ვიდრე ოდესმე ყოფილა.

Royal Society Open Science-ში გამოქვეყნებული კვლევის მიხედვით, მეცნიერებმა გააანალიზეს 1985-2015 წლებში დიდი ბრიტანეთის თითქმის 500 000 ყველაზე პოპულარული სიმღერა.

მკვლევარები, რომლებიც კალიფორნიის უნივერსიტეტიდან არიან, აღმოაჩინეს, რომ "ოპტიმისტური" და "ბედნიერი" სიმღერების გამოშვების ტენდენციამ საგრძნობლად იკლო, ხოლო ამის პარალელურად, დიდი ადგილი სევდიანმა სიმღერებმა დაიკავეს.

"'ბედნიერი' სიმღერები იკლებს, 'ოპტიმისტური' სიმღერები იკლებს, 'სევდიანი' სიმღერები კი იმატებს. და ამავე დროს, სიმღერები 'რიტმული' და 'გასართობია'. როგორც ჩანს, ადამიანების განწყობა ნაკლებად პოზიტიურია და ამასთან ერთად, მათ სურთ ყველაფრის დავიწყება და ცეკვა", - ამბობს კვლევის ერთ-ერთი ავტორი ნატალია კომაროვა.

რაც შეეხება პოპულარულ სიმღერებს, რომლებიც ჩარტების ტოპ-ათეულში მოხვდნენ და იქ დიდხანს დარჩნენ, ისინი შედარებით "ბედნიერი" და "გასართობი" სიმღერები არიან, თუმცა ნაკლებად "განმტვირთველი".

"საზოგადოებას ბედნიერი სიმღერები ძალიან მოსწონს, სევდიანებზე მეტადაც კი, თუმცა, ამის მიუხედავად, ყოველწლიურად ნაკლებად ბედნიერი სიმღერების ნამდვილი ბუმია", - წერია კვლევაში.

ასევე ირკვევა, რომ ქალი მუსიკოსების პოპ-მუსიკა უფრო პოპულარული ხდება, ვიდრე კაცების მიერ შესრულებული როკი.