მსახიობი უმა თურმანი ამბობს, რომ კვენტინ ტარანტინოსთან მუშაობისთვის მზად არის და სამუდამოდ პატიობს Kill Bill-ის გადასაღებ მოედანზე მომხდარ ინციდენტს.

"მე მას ვპატიობ და მჯერა, რომ გულწრფელად ნანობს იმას რაც მოხდა. მისი მესმის და მზად ვარ კვლავ ვითამაშო მის ფილმში თუ ის საინტერესო სცენარს შემომთავაზებს", - ამბობს უმა თურმანი.

უმა თურმანმა რამდენიმე თვის წინ განაცხადა, რომ, ქალების სექსუალურად შევიწროების გახმაურებული ამბებით ის ძალიან გაბრაზებული იყო, თუმცა ამ თემაზე მაშინ იტყოდა მეტს, როცა ემოციები გადაუვლიდა.

მსახიობს ემოციებმა გადაუარა და New York Times-ს ინტერვიუ მისცა, სადაც ის ჰარვი ვაინშტაინს ძალადობაში ადანაშაულებს.

ვაინშტაინის გარდა, უმამ წლების შემდეგ, პირველად დაიწყო საუბარი რეჟისორ კვენტინ ტარანტინოზე და მისი აქამდე უცნობი მხარე დაანახა საზოგადოებას.

თურმანის თქმით, მას შემდეგ რაც Pulp Fiction-ის პრემიერის შემდეგ ვაინშტაინმა მასზე იძალადა, მომხდარის შესახებ კვენტინ ტარანტინოს მოუყვა, თუმცა ამას არანაირი შედეგი არ მოჰყოლია. პირიქით, კვენტინმა მის მომდევნო ფილმებზე მუშაობაც ვაინშტაინთან ერთად განაგრძო.

New York Times-თან ინტერვიუში უმამ ჰარვი ვაინშტაინთან დაკავშირებული ისტორიაც გაიხსენა. თურმანი ყვება, რომ 1994 წელს, ლონდონში, Pulp Fiction-ის პრემიერის დროს ვაინშტაინი სასტუმროს ნომერში შეუვარდა და მასზე იძალადა.

ვაინშტაინის გარდა, უმა თურმანმა სადიზმსა და ძალაუფლების ბოროტად გამოყენებაში კვენტინ ტარანტინოც დაადანაშაულა.

უმა თურმანის თქმით, ტარანტინომ Kill Bill-ის გადაღებაზე კინაღამ მოკლა, გარდა ამისა თურმანმა რეჟისორი სადიზმსა და ძალაუფლების ბოროტად გამოყენებაში დაადანაშაულა.

მოგვიანებით ამ ამბავს თავად რეჟისორიც გამოეხმაურა და თქვა, რომ თურმანის ინციდენტი მისი კარიერისა და ცხოვრების უდიდესი სინანულია.