ევროპული კინოს რიგით მე-19 კინოფესტივალი დასრულდა და სხვადასხვა კატეგორიებში გამარჯვებულებიც გამოვლინდნენ.

მათ შორის არის ანა ურუშაძის ქართული ფილმი "საშიში დედა", რომელიც ევროპის კინოკრიტიკოსთა საერთაშორისო ასოციაციას Fipresci-ს ჯილდოს მფლობელი გახდა.

"მადლობა ანა ურუშაძეს, იმისთვის, რომ გვაჩვენა, როგორ იბრძვის ქალი საკუთარი უფლებების მოსაპოვებლად", - ნათქვამია ჟიურის განცხადებაში.

"საშიში დედა" 50 წლის ქალის, მანანას ცხოვრებას ასახავს. დედა და დიასახლისი დილემის წინაშე დგას, მას უწევს, არჩევანი გააკეთოს ოჯახურ ცხოვრებასა და დიდი ხნის ვნებიან გატაცებას შორის. მანანა ცხოვრების აზრს წერაში პოულობს.