მანჩესტერ იუნაიტედიდან ლოს-ანჯელეს გალაქსიში ახლახანს გადაბარგებულმა ზლატან იბრაჰიმოვიჩმა მორიგი გოლი გაიტანა, ამჯერად ჩიკაგო ფაირის კარში. სადებიუტო მატჩის მსგავსად (თუმცა იქ დუბლი შეასრულა), ეს გოლიც გამარჯვების აღმოჩნდა.

"მინდოდა, რომ კიდევ ორი გოლი უნდა გამეტანა, მაგრამ ისეთი შანსები ვერ გამოვიყენე, რომელსაც, როგორც წესი, ხელიდან არ ვუშვებ ხოლმე. მაგრამ მთავარია, რომ მოვიგეთ. შეხვედრა რთული გამოდგა".

"ბევრი გუნდი არ მეგულება, ვინც აქ ქულის აღებას ახერხებს. ყველაზე მნიშვნელოვანი რამ სამი ქულაა და ჩვენც სამი ქულით ვბრუნდებით სახლში", - განაცხადა ზლატანმა.