რამდენიმე დღის წინ ონლაინ მაღაზიაში შვედური ტანსაცმლის ბრენდის H&M-ის მიერ შავკანიანი მოდელის ფოტოს, რომელსაც ტანსაცმელზე "ჯუნგლების ყველაზე მაგარი მაიმუნი" ეწერა, კრიტიკა მოჰყვა.

ბრენდი რასიზმში დაადანაშაულეს. ჰუდის სტაფილოსფერი ვერსია თეთრკანიან ბავშვს აცვია, წარწერით - "ჯუნგლებში გადარჩენის ექსპერტი".

ზედაზე წარწერის გამო, აფროამერიკელმა აქტივისტებმა კომპანიის რამდენიმე მაღაზიაც დაარბიეს. ხუთი წლის მოდელის დედას კი H&M-ის სარეკლამო კამპანია რასისტულად არ მიაჩნია და ამბობს, რომ სოციალურ ქსელში მას ხშირად თავს ესხმიან ამის გამო. ოჯახი, უსაფრთხოების მიზნით, სხვაგან გადასახლდა.

მსოფლიოს მასშტაბით არტისტებმა 5 წლის ბიჭი ისეთ რეალობაში დახატეს, რომელშიც ის მეფეა, ან მომავალი პრეზიდენტი, ან უბრალოდ მსოფლიოს ყველაზე მაგარი ბიჭი.