კინემატოგრაფის ერთ-ერთი გამორჩეული და ტიტულოვანი მსახიობი ჯუდი დენჩი მასზე შექმნილ საათნახევრიან დოკუმენტურ ფილმში - Judi Dench, My Passion For Trees, როგორც თავად ამბობს კარიერის განმავლობაში ყველაზე გულახდილ ინტერვიუს აძლევს რეჟისორს.

82 წლის მსახიობი ისტორიის მოყოლას მისი მეგობრის, ვანესა რედგრეივის შვილის, ნატაშა რიჩარდსონის ამბიდან იწყებს, რომელიც თხილამურებით სრიალის დროს, 2009 წელს გარდაიცვალა.

ნატაშა რიჩარდსონი და ლინდსი ლოჰანი ფილმიდან "მახე მშობლებისთვის"

ნატაშა რიჩარდსონი და ლინდსი ლოჰანი ფილმიდან "მახე მშობლებისთვის"

დოკუმენტურ ფილმში, რომლის პრემიერაც მალე გაიმართება, დენჩი ყვება, რომ სწორედ ნატაშას გარდაცვალების შემდეგ იყიდა უზარმაზარი ვილა ინგლისის სამხრეთით, სარის საგრაფოში და ერთადერთ მიზნად იქ ტყის გაშენება დაისახა.

"ჯერ კიდევ ბავშვობიდან მინდოდა ტყის გაშენება, ხეების მიმართ განსაკუთრებული დამოკიდებულება მქონდა, ნატაშას სიკვდილის შემდეგ კი ნუგეშად კინო და ხეები დამრჩა. როდესაც ხეებზე ვზრუნავ, მგონია, რომ მასზე და ჩემს გარდაცვლილ ქმარზე ვზრუნავ. ღირსშესანიშნავ დღეებში კი აქაურობას ერთი ნერგით ვამდიდრებ. ეს მოგონებასავით არის, ასე შემიძლია ჩემი ტკივილით, დარდით რაღაც კარგი შევქმნა. თითოეულ მათგანთან ერთი კონკრეტული ამბავი მაკავშირებს, ერთი კონკრეტული ფიქრი და მოგონება. ხანდახან ვფიქრობ, რომ შემიძლია კინოს შევეშვა და ამ თემაზე ლექცია წავიკითხო.", - ყვება ჯუდი დენჩი.

ფოტო: JAMES MANISTY

ფილმის რეჟისორი ენტონი ჯეფენი ამბობს, რომ ფილმი ბევს დაეხმარება ლეგენდარული მსახიობის აქამდე უცნობი მხარე დაინახოს.

დოკუმენტური ფილმის პრემიერა BBC-ზე 20 დეკემბერს შედგება.