შინაგან საქმეთა სამინისტროს ინფორმაციით, საფრანგეთში ქურდობის, ნაქურდალი ნივთების შენახვის, ჯგუფურად ჩადენილი გამოძალვისა და კრიმინალური დაჯგუფების წევრობის ბრალდებით 26 ქართველი დააკავეს, რომელთაგან 5 კანონიერი ქურდია.

უწყებით თქმით, ბრალდებულები პარიზსა და მის მიმდებარე ქალაქებში ყოველდღიურად ქურდავდნენ მაღაზიებს, ბინებს და ე.წ. ქურდულ საერთოს აგროვებდნენ.

შსს-ს განმარტებით, დაკავებულების საცხოვრებელი სახლებისა და ეზოების ჩხრეკისას, დიდი ოდენობით ფული, სხვადასხვა ტიპის ცეცხლსასროლი იარაღი, ნიღბები, ყალბი დოკუმენტები, ე.წ. ატმიჩკები და მოპარული ავტომანქანები ნივთმტკიცებად ამოიღეს.

გამოძიებას საფრანგეთის რესპუბლიკის ეროვნული პოლიციის კრიმინალური პოლიცია და პარიზის ფინანსური პოლიცია აწარმოებს.