საქართველოს რაგბის ეროვნული ნაკრები ოკეანეთის ტური წარმატებით დაასრულა.

დღეს, თბილისის დროით დილი 7 საათზე, საქართველოს ნაკრები ფიჯის სარაგბო ნაკრებს დაუპირისპირდა.

მატჩის პირველი ტაიმი 3:3 დასრულდა, მხარეებმა ერთმანეთს თითო ჯარიმა გაუტანეს.

მეორე ტაიმში ხმალაძემ ლელო გაიტანა და ჩვენი ნაკრები დააწინაურა, ხოლო მომდევნო ქულები კვირიკაშვილის მიერ გატანილ 2 ჯარიმას მოჰყვა.

მატჩის საბოლოო ანგარიში 3:14 დაფიქსირდა საქართველოს ნაკრების სასარგებლოდ.

ოკეანეთის ტურის ფარგლებში საქართველოს ნაკრები ტონგას და სამოას ნაკრებებს დაუპირისპირდა. ბორჯღალოსნებმა ტონგა 23:20 დაამარცხეს, ხოლო სამოასთან ფრე - 19:19 ითამაშეს.