პარლამენტის იურიდიულ საკითხთა კომიტეტის თავმჯდომარე არჩილ გორდულაძე აქტივისტისა და ბლოგერის თორნიკე რაზმაძისთვის საქმის აღძვრას ეხმაურება. ის აცხადებს, რომ რაზმაძე "ცდილობს, რომ გაექცეს მართლმსაჯულებას, პასუხისმგებლობას და ავრცელებს აბსოლუტურ ტყუილს".

"არის გავრცელებული ინფორმაცია, არის მისი "პოსტი". ამ "პოსტში" არის მის მიერ გამოხატული ლანძღვა-გინება, საჯარო შეურაცხყოფა სახელმწიფო პოლიტიკური თანამდებობის პირის მიმართ. ეს არის ქართული კანონმდებლობის მიხედვით დასჯადი, გაცილებით უფრო რბილად და მსუბუქად, ვიდრე ეს არის მაგალითად, გერმანიაში, დიდ ბრიტანეთში, თუ საფრანგეთში. ახლა, როდესაც მართლმსაჯულებამ თორნიკე რაზმაძეს მიაკითხა, იგი ცდილობს, რომ გაექცეს მართლმსაჯულებას, პასუხისმგებლობას და ავრცელებს აბსოლუტურ ტყუილს. ასეთი ტყუილები სულ რამდენიმე წუთში მხილებული არის ხოლმე. ეს ადამიანი უბრალოდ, ცრუპენტელობას ვერ მოეშვა," — განაცხადა გორდულაძემ (კომენტარს IPN ავრცელებს).

შეგახსენებთ, რომ საქმე ეხება რუსი პროპაგანდის, მარგარიტა სიმონიანის განცხადებას ერეკლე მეორესთან დაკავშირებით. კერძოდ, სიმონიანმა თქვა, რომ როგორც ერეკლე II მოვიდა რუსეთთან და "გეორგიევსკის ტრაქტატის" გაფორმებით მფარველობის მიღება ითხოვა, მომავალში სხვა ქართველი "ირაკლები" რუსეთს ისევ მუხლებზე დაჩოქილები მიმართავენ და მფარველობას სთხოვენ.

თორნიკე რაზმაძის მიერ გავრცელებულ ვიდეოში სიმონიანის კომენტარს დართული აქვს პრემიერ ირაკლი კობახიძის განცხადება მისივე ბრიფინგიდან, რომელიც "გეორგიევსკის ტრაქტატს" ეძღვნებოდა. ამავე ვიდეოს კომენტარში კი რაზმაძე წერს: "ამათი დედას შევე*ი "ნა კალენიახ".

მეტი თორნიკე რაზმაძის საქმეზე: