თურქეთში, ნარკოტიკებთან დაკავშირებული გამოძიების ფარგლებში, მსახიობ ჰანდე ერჩელის დაკავების ორდერი გაიცა. ინფორმაციას თურქული მედია ავრცელებს.

Türkiye Today-ის ცნობით, დაკავებულია 14 ადამიანი, მათ შორის საფეხბურთო კლუბ გალათასარაის ყოფილი პრეზიდენტი, ბურაკ ელმასი, ბერიქთაშის ყოფილი თავმჯდომარე, ფიკრეტ ორმანი, ბიზნესმენები ჰაკან და კერიმ საბანჯები, მოდელები დიდემ სოიდანი, გუზიდე დურანი და სხვები.

ფოტო: Türkiye Today

როგორც ცნობილია, სტამბოლის პროკურატურა აგრძელებს მუშაობას გამოძიებაზე, რომელიც მოიცავს ბრალდებებს ნარკოტიკების წარმოებაზე, გაყიდვასა და პროსტიტუციის წახალისებაზე.

თავად ერჩელი ბრალდებას უარყოფს, როგორც მან ინსტაგრამზე გამოქვეყნებულ სთორიში თქვა, ის ამჟამად სასწავლებლად საზღვარგარეთ იმყოფება და აუცილებლად დაბრუნდება თურქეთში ჩვენების მისაცემად.

ფოტო: IG

"დაახლოებით ერთი თვეა, სასწავლებლად საზღვარგარეთ ვიმყოფები. ამ საკითხის შესახებ მეც გუშინ ღამით მედიიდან შევიტყვე. ქვეყანაში დავბრუნდები, რათა ნათელი მოვფინო ამ საკითხს, საჭირო განცხადებები გავაკეთო და ჩვენება მივცე. მე ვარ ადამიანი, რომელსაც უყვარს თავისი ქვეყანა და ენდობა საკუთარ სახელმწიფოსა და თურქულ მართლმსაჯულებას. მჯერა, რომ ყველაფერი მალე გაირკვევა", — ვკითხულობთ პოსტში.

დამატებითი დეტალები, ჯერჯერობით, უცნობია.