"საერთაშორისო გამჭვირვალობა — საქართველო" (TI) ინფრომაციას აქვეყნებს, სადაც აღნიშნულია, რომ საქართველოში მოქმედი ქოლ-ცენტრების ქსელი წლების განმავლობაში ძარცვავს დასავლელ პენსიონერებს. მამხილებლებისა და საერთაშორისო გამოძიებების (OCCRP) თანახმად, TI-ის ინფორმაციით, ერთი ქოლ-ცენტრის დღიური შემოსავალი $50,000-დან $500,000-მდეა. ჯამურმა ზიანმა კი სავარაუდოდ, 350 მილიონიდან 1 მილიარდ დოლარამდე მიაღწია.

როგორც TI წერს, თაღლითობა ექვსეტაპიანია: სოციალურ ქსელში ყალბი რეკლამით (Deepfake) მსხვერპლის მოზიდვიდან, ფსიქოლოგიური წნეხითა და კრიპტოვალუტით თანხის გაქრობამდე. მათივე ცნობით, ხელისუფლება წლების განმავლობაში უარყოფდა კავშირს დანაშაულთან, თუმცა ბოლო დროის დაკავებები პოლიტიკურ ანგარიშსწორებას უფრო ჰგავს, ვიდრე კრიმინალთან ბრძოლას.

როგორც TI იუწყება, მიუხედავად გახმაურებული საქმეებისა, სისტემური პრობლემა არ აღმოფხვრილა. სამართალდამცავები აკავებენ მხოლოდ დაბალი რგოლის ოპერატორებს, რომლებიც მალევე თავისუფლდებიან საპროცესო შეთანხმებითა და მინიმალური ჯარიმით.
2026 წლის მონაცემებით, თაღლითური ცენტრები კვლავ აგრძელებენ მუშაობას, რაც აჩენს ეჭვს, რომ ქართული ოცნების მაღალჩინოსნები ამ ინდუსტრიიდან სარგებელს კვლავაც იღებენ .