მეფე ჩარლზ III-მ განცხადება გაავრცელა მისი ძმისა და ყოფილი პრინცის, ენდრიუ მაუნტბატენ-უინძორის დაპატიმრების შემდეგ. დიდი ბრიტანეთის მეფე წერს, რომ "სამართალი უნდა აღსრულდეს". ჩარლზ III-ის წერილს BBC ავრცელებს.

"ღრმა შეშფოთებით შევიტყვე ენდრიუ მაუნტბატენ-უინძორის შესახებ და საჯარო თანამდებობის ბოროტად გამოყენების ეჭვის შესახებ.

ამას კი მოჰყვება სრული, სამართლიანი და სათანადო პროცესი, რომლის მეშვეობითაც ეს საკითხი სათანადო წესით და შესაბამისი ორგანოების მიერ იქნება გამოძიებული.

ამაში, როგორც ადრე ვთქვი, მათ აქვთ ჩვენი სრული და გულწრფელი მხარდაჭერა და თანამშრომლობა.

მინდა ნათლად განვაცხადო: კანონი უნდა აღსრულდეს.

სანამ ეს პროცესი გრძელდება, არ იქნება სწორი, რომ ამ საკითხზე დამატებითი კომენტარი გავაკეთო.

ამასობაში, მე და ჩემი ოჯახი გავაგრძელებთ ჩვენს მოვალეობას და თქვენს სამსახურს", — ნათქვამია წერილში.

პრინც ენდრიუს მიერ, სავარაუდოდ, თანამდებობის ბოროტად გამოყენების ბრალდებით დაკავების შესახებ ინფორმაცია დღეს გავრცელდა.