ინდოეთმა საკუთარ მოქალაქეებსა და ინდური წარმოშობის პირებს (PIO) ურჩია, რეგიონში მზარდი დაძაბულობის ფონზე, დატოვონ თეირანი, გადავიდნენ უფრო უსაფრთხო ადგილებში და დარჩნენ მჭიდრო კონტაქტში ინდოეთის საელჩოსთან. ამის შესახებ ინფორმაციას ინდური მედია ავრცელებს.

საგარეო საქმეთა სამინისტროს (MEA) განცხადებით, თეირანში მყოფი ინდოელი სტუდენტები ქალაქგარეთ უსაფრთხო რაიონებში გადაიყვანეს. ევაკუაცია ინდოეთის საელჩოს მიერ ორგანიზებული ღონისძიებების ფარგლებში მოხდა.

ინდოეთის მოქალაქეებს, რომლებსაც კერძო ტრანსპორტზე აქვთ წვდომა, ასევე მოუწოდეს, დაუყოვნებლივ დატოვონ დედაქალაქი და გადავიდნენ უსაფრთხო რეგიონებში.

"ცალკე, რამდენიმე ინდოელ მოქალაქეს სომხეთის საზღვრის გავლით ირანიდან გასვლაში ხელი შევუწყვეთ. საელჩო მუდმივ კონტაქტშია ინდურ თემთან, რათა მათ ყველა შესაძლო დახმარება გაუწიოს", — განაცხადა MEA-მ.

ცნობისთვივს, ირანში მასობრივი ქუჩის საპროტესტო აქციები 28 დეკემბრიდან მიმდინარეობს. ისინი თეირანის მთავარ ბაზარში დაიწყო, სადაც ჰიპერინფლაციისა და ფასების მკვეთრი რყევებზე პროტესტის ნიშნად ბევრმა მაღაზიის მეპატრონემ თავისი სავაჭრო ობიექტი დახურა.

29 დეკემბერს ირანის ეროვნული ვალუტა, რიალი, ახალ რეკორდულ მინიმუმამდე დაეცა (ერთი რიალი დაახლოებით 0.00002 ევროს ტოლი იყო). მსოფლიო ბანკის მონაცემებით, ოქტომბერში ირანში სურსათის ინფლაციამ 64.2%-ს მიაღწია — ეს მაჩვენებელი ქვეყნის ანტიინფლაციური რეიტინგით მხოლოდ სამხრეთ სუდანს უსწრებს.

მეტი ირანში განვითარებულ მოვლენებზე: