ლარი დოლართან 2.07 თეთრით გაუფასურდა, ევროსთან - 4.26 თეთრით. ერთი დოლარის ოფიციალური გაცვლითი კურსი 2.8834 ლარია, ერთი ევროსი - 3.0247 ლარი. აღსანიშნავია, რომ 24 იანვრის ვაჭრობის შედეგად, ლარი თითქმის ყველა, 42 ვალუტასთან გაუფასურდა, გამყარდა მხოლოდ ისრაელის შეკელთან.

კომერციულ ბანკებში 1 დოლარი 2.92 ლარი ღირს, 1 ევრო - 3.08 ლარი. რაც შეეხება სავალუტო ჯიხურებს, 1 დოლარის ფასი 2.89 ლარია, ევროსი - 3.03 ლარი.

მას შემდეგ, რაც ივანიშვილის მთავრობამ ევროკავშირთან მოლაპარაკების გახსნის პროცესი 2028 წლის ბოლომდე შეაჩერა, ეროვნული ვალუტის კურსი მერყეობს. მიმდინარე კვირაში ლარი ხუთივე ვაჭრობისას გაუფასურდა.