პროკურატურამ "ბათუმელების" დამფუძნებელს, მზია ამაღლობელს ბრალი წარუდგინა.

გავრცელებული ინფორმაციით, ამაღლობელს ბრალი 353-ე პრიმა მუხლით წარედგინა, რაც პოლიციელზე თავდასხმას გულისხმობს. ამასთან, ცნობილია რომ მზია ამაღლობელი კვლავ დუმილის უფლებით სარგებლობს.

ცნობისთვის, მზია ამაღლობელი 11-12 იანვარს ბათუმში ორჯერ დააკავეს: პირველად ადმინისტრაციული წესით, კედელზე სტიკერის გაკვრის გამო, რომელზეც წერია — "იფიცება საქართველო", თუმცა მალევე გამოუშვეს. მოგვიანებით, იგი ხელმეორედ დააკავეს სისხლის სამართლის კოდექსის 353-ე პრიმა მუხლით, რაც პოლიციელზე ძალადობას გულისხმობს.