საქართველოში გერმანიის საელჩო გერმანიის საგარეო საქმეთა მინისტრ ანალენა ბერბოკის განცხადებას აქვეყნებს. მინისტრი თბილისში მიმდინარე საპროტესტო აქციებს ეხმაურება, სოლიდარობას უცხადებს დაკავებულ და ნაცემ დემონსტრანტებს და საუბრობს ქართული ოცნების მიერ არჩეულ კურსზე — ბერბოკის განცხადებით, ოცნება უფრო და უფრო შორდება ევროკავშირს, შესაბამისად, გაწევრების პროცესის ოფიციალურად შეჩერებაზე კავშირმა საუბარი უნდა დაიწყოს.

"ქართული ოცნების მზარდი ავტორიტარული პოლიტიკის გამო ახლა ჩვენ ევროკავშირშიც უნდა ვიმსჯელოთ საქართველოს გაწევრიანების პროცესის ოფიციალურად შეჩერებაზე [...]

ქართულმა ოცნებამ ბოლო კვირებსა და თვეებში ქვეყანა უფრო და უფრო დააშორა ევროკავშირს, რითაც მასიურად შეუქმნა საფრთხე საქართველოსა და გერმანიას შორის ათწლეულების მანძილზე არსებულ პარტნიორობას. შედეგად, ჩვენ შევამცირეთ თანამშრომლობა ქვეყნის ხელისუფლებასთან და შევაჩერეთ მხარდაჭერის 200 მილიონ ევროზე მეტი ღირებულების პროექტები [...]

ბურთი ქართული ოცნების პასუხისმგებელი პირების მოედანზეა. ახლა მათზეა დამოკიდებული, რომ ყველაფერი გააკეთონ ღრმა პოლიტიკური კრიზისის დასასრულებლად, ნდობის აღსადგენად და ქართველ ხალხს შესთავაზონ რეალური პერსპექტივები ევროკავშირში გაწევრიანების გზაზე დაბრუნებისთვის, მაგრამ უპირველეს ყოვლისა ყველა ქართველის კარგი მომავლისათვის", — ვკითხულობთ საელჩოს მიერ გავრცელებულ განცხადებაში.