თბილისის საქალაქო სასამართლოში მიხეილ სააკაშვილის სასამართლო პროცესი მიმდინარეობს, რომელსაც საქართველოს ექსპრეზიდენტი კლინიკა "ვივამედიდან" ერთვება. მას ბრალად ედება საქართველოს სახელმწიფო საზღვრის უკანონო გადაკვეთა.

გავრცელებული ინფორმაციით, დღევანდელ პროცესზე ბრალდების მხარის მტკიცებულებებს გამოიკვლევენ, კერძოდ კი ვიდეომტკიცებულებებს.

შეგახსენებთ, სააკაშვილის მიერ საქართველოს სახელმწიფო საზღვრის უკანონო კვეთასთან დაკავშირებით გამოძიება დაიწყო 2021 წლის პირველ ოქტომბერს.

აღნიშნული საქმის ფარგლებში ბრალი ედება კიდევ 4 პირს — ელგუჯა ცომაიას, ზურაბ და შალვა წოწორიებსა და გიორგი ნარიმანიძეს. აღნიშნული საქმე მიმდინარეობს ცალკე წარმოებად და ისინი გირაოს სანაცვლოდ არიან გათავისუფლებულები.