პარლამენტთან მიმდინარე აქციაზე მოქალაქეების დაკავება დაიწყო — სპეცრაზმმა სხვა მოქალაქეებთან ერთად, კოალიცია ცვლილებებისთვის წევრი, ცოტნე კობერიძეც დააკავეს.

კობერიძის დაკავება დაადასტურა ბორის ჩელე ყურუამ, რომელმაც სოციალურ ქსელ Facebook-ზე დაწერა — "ცოტნე დაიჭირეს".

გავრცელებული ინფორმაციით, სპეცდანიშნულების რაზმმა ის ე.წ. კორდონში შეითრია.

სხვა დეტალები ჯერჯერობით ცნობილი არ არის.

ცნობისთვის, სპეცრაზმმა ცოტა ხნის წინ, რუსთაველის გამზირზე, კერძოდ, პარლამენტის მიმდებარედ მოქალაქეების დაშლა და დაკავება დაიწყო. დემონსტრანტების წინააღმდეგ მათ ე.წ. წიწაკის სპრეი და წყლის ჭავლი გამოიყენეს. ამასთან, აღსანიშნავია რომ გამაფრთხილებელი ხმა, რომელიც მოქალაქეებს დაშლისკენ მოუწოდებს, უწყვეტად ისმის.