რუსული მედია ეხმაურება ქართული ოცნების გადაწყვეტილებას საპრეზიდენტო კანდიდატად მიხეილ ყაველაშვილის დასახელებასთან დაკავშირებით.

რუსეთის ფედერალური კრების ოფიციალური გამოცემა საპარლამენტო გაზეთი მიხეილ ყაველაშვილის კარიერას მიმოიხილავს და ხაზს უსვამს მის წარმატებას ვლადიკავკაზის ალანიასთან ერთად, როცა რუსეთის საფეხბურთო ლიგის ჩემპიონი გახდა.

"მიხეილ ყაველაშვილი 1971 წლის ივლისში, ქალაქ ბოლნისში დაიბადა. საფეხბურთო კარიერის განმავლობაში გამოდიოდა თბილისის "დინამოს", ინგლისური "მანჩესტერ სიტისა" და ვლადიკავკაზის "ალანიას" რიგებში, რომელთან ერთადაც 1995 წელს რუსეთის ჩემპიონატიც მოიგო. ასევე თამაშობდა შვეიცარიულ კლუბებში: "გრასჰოპერში", "ციურიხში", "ლუცერნში". იყო საქართველოს ეროვნული ნაკრების წევრიც. 2016 წლიდან მიხეილ ყაველაშვილი პარლამენტის დეპუტატიია მმართველი პარტიიდან", — ვკითხულობთ გამოცემაში.