Stranger Things-ის მაყურებელს ემახსოვრება, რომ 6 ნოემბერი უილ ბაიერსის გაუჩინარების დღეა. ამ თარიღს ნეტფლიქსი "Stranger Things-ის დღეს" უწოდებს და ყოველი წლის 6 ნოემბერს ახალ-ახალი ინფორმაციით გვამარაგებს სერიალის გადასაღები მოედნიდან.

გამონაკლისი არც ეს წელი ყოფილა. გუშინ Stranger Things-ის მეხუთე და საბოლოო სეზონზე ახლი დეტალები შევიტყვეთ. სეზონი 8 სერიისგან შედგება და თითოეული მათგანს სრულმეტრაჟიანი ფილმის ქრონომეტრაჟი ექნება. ნეტფლიქსის გამოქვეყნებული ვიდეოდან სერიების სახელწოდებებიც შევიტყვეთ:

The Crawl, The Vanishing Of, The Turnbow Trap, Sorcerer, Shock Jock, Escape From Camazotz, The Bridge, The Rightside Up — ასე ერქმევათ სერიალის მომდევნო სერიებს.

გარდა ამისა, ნეტფლიქსმა ჩვენთვის უკვე კარგად ნაცნობი და საყვარელი მსახიობების კადრს მიღმა ფოტოებიც გამოაქვეყნა:

ფოტო: Netflix

ფოტო: Netflix

ფოტო: Netflix

ფოტო: Netflix

ფოტო: Netflix

გაირკვა, რომ Stranger Things-ის მეხუთე სეზონში წინა სეზონიდან ერთ წელზე მეტი დრო იქნება გასული. "1987 წლის შემოდგომაზე უკანასკნელი თავგადასავალი იწყება" — წერს ნეტფლიქსი, რაც იმას ნიშნავს, რომ უილს, ილევენს, მაიკს, ლუკასს, დასტინს და მაქსს უკვე გაზრდილი თინეიჯერების ამპლუაში ვიხილავთ, ახალი პრობლემებითა და ცხოვრებით.

რაც შეეხება სეზონის გამოსვლის თარიღს, აქამდე ვარაუდობდნენ, რომ ეკრანებზე 2026 წელს გამოვიდოდა, თუმცა ნეტფლიქსმა დაადასტურა, რომ Stranger Things ერთგულ მაყურებელს 2025 წელს დაუბრუნდება.