უმრავლესობის ლიდერის, მამუკა მდინარძის თქმით, პარტიის ბანერი დააზიანეს, რაც "სისხლის სამართლის პასუხისმგებლობას" ითვალისწინებს.

მანვე განაცხადა, რომ სამართალდამცავებმა "ვალდებულება" უნდა შეასრულონ და ბანერის დაზიანებაზე გამოძიება დაიწყონ.

"დღეს დააზიანეს ჩვენი ერთი ბანერი და მინდა ვაუწყო, რომ თუ არ იციან, ეს არის ნივთის დაზიანება, რომელიც ისჯება სისხლის სამართლის წესით და მათ შორის პატიმრობასაც ითვალისწინებს, თუ სწორად მახსოვს. თქვენ ნუ იტყვით, მდინარაძემ მიუთითა, ეს არის ვალდებულება სამართალდამცავი ორგანოების — თუ არ დაუწყიათ სამართალდამცავ ორგანოებს გამოძიება, ვალდებულება არსებობს, რომ ბანერის დაზიანებაზე დაიწყონ გამოძიება. რა თქმა უნდა, მნიშვნელოვანი ზიანია, 150 ლარზე გაცილებით ძვირი ღირს. ამასთან დაკავშირებით სისხლის სამართლის პასუხისგებაში უნდა მიეცნენ კონკრეტული ადამიანები და ასეც იქნება ბუნებრივია, ესაა სამართალდამცავი ორგანოების ვალდებულება", — განაცხადა მდინარაძემ დღევანდელ ბრიფინგზე.