თბილისის მერობის კანდიდატმა ქართული ოცნებიდან, კახა კალაძემ მორიგი ვიდეო ჩაწერა, ახლა უკვე იმაზე, თუ როგორ წარმოუდგენია ქალაქის დიზაინი. მისი ხედვით, ქალაქის დიზაინის ერთ-ერთ უმნიშვნელოვანეს ნაწილად ქართული ანბანი უნდა იქცეს.

მისი თქმით, მსოფლიოში ლამაზ ქალაქებად პარიზი, მილანი, ლონდონი იმიტომ მიიჩნევა ლამაზ ქალაქებად, რომ თითოეულ მათგანს აქვს ქალაქის დიზაინის სტანდარტი.

"ეს აბრები, მანიშნებლები, სტიქიურად ათვისებული ტროტუარები, ვიტრინები, უკონტექსტო დიზაინი - ამ ყველაფრის სასწრაფო მოწესრიგება ხელს შეუწყობს ქალაქის ტურისტული და ბიზნესმიმზიდველობის ზრდას. თბილისი ნამდვილად არის ერთ-ერთი ულამაზესი ქალაქი და სწორედ ასეთი, თანამედროვე მიდგომებით, უმაღლესი კვალიფიკაციის სპეციალისტების ჩართვითა და მსოფლიოს გამოცდილების გათვალისწინებით უნდა წარმოვაჩინოთ თბილისი, როგორც სიცოცხლით სავსე ქალაქი", - ამბობდა ვიდეომიმართვაში კახა კალაძე.