თამარ კორძაია: დღეს ამოქმედდა რუსული კანონის სანქციების ნაწილი

3 Sep. 2024, 14:35

"დღეს ამოქმედდა რუსული კანონის სანქციების ნაწილი. ჩვენმა საზოგადოებამ უკვე ძალიან კარგად დაინახა ამ კანონის მიღების მავნე შედეგები.

ფინანსური დახმარება შეუწყდათ ადგილობრივ და თვითმმართველობის წარმომადგენლებს. უდიდესი დარტყმა მიიღო მედიამ და ჟურნალისტებმა, ფინანსური დახმარება ასევე შეუჩერდათ შშმ პირებს, სოციალურად დაუცველ ბავშვებს, ძალადობის მსხვერპლ ადამიანებს - ქალებს და ბავშვებს. ასევე მცირე მეწარმეებს, ფერმერებს, რომლებიც იღებდნენ დასავლეთისგან ფინანსურ მხარდაჭერას.

დღეს ჩვენ გადავედით კიდევ უფრო ახალ, მძიმე ფაზაში, რადგან დღეს ის სუბიექტები, ვინც საზოგადოებას აწვდიდნენ ინფორმაციას ხელისუფლების კორუფციული გარიგებების შესახებ, კალაძისა და ღარიბაშვილის მრავალათასიანი საათების შესახებ. ჟურნალისტები, რომლებიც საუბრობდნენ მთაში არსებულ გაჭირვებაზე, მთაში მცხოვრები ადამიანების პრობლემებზე, უშუქობაზე, უგზოობაზე, ეს ადამიანები უკვე ექვემდებარებიან
სანქცირებას და სანქციები ჩვენ ძალიან კარგად ვიცით, რომ არის ძალიან მაღალი და ამას აქვს ერთადერთი მიზანი, რომ გააჩუმონ ჟურნალისტები და გააჩუმონ თავისუფლებისთვის მებრძოლი საზოგადოების წარმომადგენლები.

საკონსტიტუციო სასამართლოს ჯერ არ მიუღია გადაწყვეტილება და არ გამოუქვეყნებია თავისი პასუხი იმასთან დაკავშირებით, აჩერებს თუ არა კანონის მოქმედებას, რადგან მან კიდევ უფრო არ დააზიანოს საქართველოს სამომავლო პერსპექტივა. ჩვენ დავინახეთ ერთი რამ, რომ საქართველოს ხელისუფლებამ ზურგი აქცია თავის ქვეყანას და საკუთარ საზოგადოებას, თავის მოქალაქეებს, იზოლაციაში მოაქცია საქართველო, მაგრამ 26 ოქტომბერს აუცილებლად ჩვენ ერთი გაფერადებით დავიბრუნებთ ჩვენს მომავალს, თავისუფლებას და კეთილდღეობას ევროპაში."

ბოლო ამბები:

თამარ კორძაია თამარ კორძაია: დღეს ამოქმედდა რუსული კანონის სანქციების ნაწილი

კომენტარები

კვირის ტოპ-5

გირჩევთ

ახლა კითხულობენ

შსს თორნიკე რაზმაძეს კრემლის პროპაგანდისტ მარგარიტა სიმონიანისა და ირაკლი კობახიძის შეურაცხყოფას ედავება