კობახიძე ურთიერთობების გადატვირთვაზე: საქართველო არის პატარა ქვეყანა, აშშ ძალიან დიდი სახელმწიფო, ყველაფერი მათ ხელშია

30 Jul. 2024, 10:31

ზოგადად, ჩვენ პატივს ვცემთ ამერიკელი ხალხის არჩევანს, ჩვენი საქმე არ არის, ვის აირჩევს ამერიკელი ხალხი, ჩვენ უნდა ვითანამშრომლოთ ნებისმიერ ადმინისტრაციასთან, ერთადერთი განსხვავება არის რამდენიმე თვეში, უფრო გვიან დასრულდება ომი, თუ უფრო ადრე.

[...] ყველა შემთხვევაში, ვფიქრობ, ომი დასრულდება მომავალ წელს, იქნება ეს ერთი ადმინისტრაცია თუ მეორე ადმინისტრაცია და სწორედ ომის დასრულების შემდეგ გამარტივდება ურთიერთობების გადატვირთვა ნებისმიერ ადმინისტრაციასთან, იქნება ეს დემოკრატების თუ რესპუბლიკელების ადმინისტრაცია. აშშ არის ჩვენი სტრატეგიული პარტნიორი და ჩვენ ვართ მოლოდინის რეჟიმში. მთავარია, ჩვენ ვიხილოთ შემხვედრი ნაბიჯები. თუ იქნება შემხვედრი ნაბიჯები, რა თქმა უნდა, არაფერი უდგას წინ ურთიერთობების გადატვირთვას. საქართველო არის პატარა ქვეყანა. აშშ არის ძალიან დიდი სახელმწიფო მსოფლიო გავლენით. აქედან გამომდინარე, ყველაფერი მათ ხელშია. ჩვენ არ შეგვიძლია არსებითად რაიმეს შეცვლა. მთავარია, რომ ვდგამთ ნაბიჯებს და ველოდებით შემხვედრ ნაბიჯებს. როგორც კი ეს ნაბიჯები გადმოიდგმება, მაშინვე მოხდება გადატვირთვა.

მთავარი ფაქტორია ომის დასრულება. როგორც კი ომი დასრულდება, მაშინვე გადაიტვირთება ურთიერთობები. ეს არის ჩვენი ოპტიმიზმის საფუძველი. ჩვენი ოპტიმიზმი პირდაპირ არის დაკავშირებული ომის დასრულების ფაქტორთან. ასეც და ისეც, ურთიერთობები უნდა გადაიტვირთოს და მჯერა, ჩვენ მომავალი წლისთვის უკვე გვექნება თვისებრივად განსხვავებული ხარისხი ჩვენს ურთიერთობებში.

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

რესან ქიქავა: ეკითხებიან, რატომ აღარ "ვჩანვარ"? ბიზნესმენს წაერთვა აზრის გამოხატვის თავისუფლება