Game of Thrones-ის მაყურებელი უკვე განებივრებულია უმაღლესი ხარისხის ბატალური სცენებით. მაგალითისთვის წინა სეზონის მეცხრე სერიაც გვეყოფა, რომელიც გადაღებით თუ სიუჟეტური განვითარებით თამამად შეიძლება ითქვას, რომ შედევრი იყო.

სამეფო კარის თამაშების მეშვიდე სეზონის მეორე სერიაში კი HBO-მ არანაკლებ დიდებული სანახაობა შემოგვთავაზა. ეპიზოდის მთავარი პერსონაჟები კი ეურონ გრეიჯოი და იარა იყვნენ.

რა თქმა უნდა, იმის ილუზია, რომ ბრძოლის სცენები თვიდან ბოლომდე ზღვაში და თანაც ასობით ნავის მონაწილეობით გადაიღეს, არავის ჰქონია. HBO-მ ცოტა ხნის წინ გაავრცელა კადრები, სადაც ჩანს, რომ მეორე სერიის ყველაზე მასშტაბური სცენა, ტრადიციულ მწვანე ფონზეა გადაღებული.

გადაღებების ადგილი ირლანდიაში ერთ-ერთ პავილიონი იყო, სადაც შოუს დეკორატორებმა გრანდიოზული მასშტაბის რეკვიზიტები შექმნეს.