რა ხდება: შსს-მ, 8-9 მაისს, პარლამენტის მიმდებარედ გამართული საპროტესტო აქციების 6 მონაწილე დააკავა.

  • ამის შესახებ ცნობილი გახდა თბილისის პოლიციის დეპარტამენტის დირექტორის სულხან თამაზაშვილის ბრიფინგზე.
  • დაკავებულებს პოლიციელზე თავდასხმისა და ნივთის დაზიანება ედებათ ბრალად.

ასევე, ნახეთ — ონიანი: მიუვარდნენ ჩემს 14 წლის ბავშვს, ვიღაცამ უბრაგუნა ფანჯრებზე, კარებზე, შეურაცხყოფები აყენა, იგინა და გაიქცა

დეტალები: თამაზაშვილმა თქვა, რომ:

  • პოლიტიკური ლიდერები, აქციის ორგანიზატორები და მონაწილეები არაერთხელ გასცდნენ შეკრებისა და მანიფესტაციების შესახებ კანონმდებლობით დადგენილ ნორმებს.
  • აქციის მონაწილეები, სხვადასხვა დროს, ძალადობრივი ქმედებებით, სხვადასხვა ნივთებისა და კონსტრუქციების ასევე, გაურკვეველი წარმოშობის ცრემლსადენი აირის გამოყენებით ახორციელებდნენ პარლამენტის შენობაში შეჭრას და თავდასხმებს ადგილზე მყოფ პოლიციელებზე.
  • გარდა ამისა, აქციის მონაწილეები სხვადასხვა მძიმე საგანს, მათ შორის, ბოთლებს, ქვებს, მხუთავ და ცრემლსადენ ნივთიერებას და რკინის ნაჭრებს ისროდნენ სახელმწიფო დაცვის სპეციალური სამსახურის შენობის ეზოში, სადაც იმყოფებოდნენ შინაგან საქმეთა სამინისტროს თანამშრომლები და ასევე, განთავსებული იყო სამინისტროს კუთვნილი სატრანსპორტო საშუალებები.
  • აქციის მონაწილეებმა დააზიანეს ადმინისტრაციულ შენობაზე განთავსებულ ვიდეო სამეთვალყურეო კამერები და მერიის საკუთრებაში არსებული სხვადასხვა ნივთი.
  • მისივე თქმით, დაზიანებები მიიღო შინაგან საქმეთა სამინისტროს შვიდმა თანამშრომელმა, აქედან ერთს გაუკეთდა ოპერაცია და ამ დრომდე აგრძელებს მკურნალობას.

თავდასხმების სერია რუსული კანონის მოწინააღმდეგეებზე — გია ჯაფარიძეს, დიმიტრი ჩიქოვანს და ლაშა ღვინიანიძეს ფიზიკურად გაუსწორდნენ

თამაზაშვილმა, ასევე, თქვა, რომ ერთ-ერთმა დაკავებულმა პირმა, 16 აპრილს დააზიანა საპატრულო პოლიციის მანქანა.

  • აღნიშნულ ფაქტებთან დაკავშირებით, გამოძიება სისხლის სამართლის კოდექსის 353-ე პრიმა და 187- ე მუხლების პირველი ნაწილებით მიმდინარეობს.

შსს გამოძიებას აგრძელებს "იმ პირების დადგენისა და დაკავების მიზნით, რომლებმაც მიმდინარე აქციების დროს განახორციელეს კანონსაწინააღმდეგო ქმედებები".

ბოლო ხაზი: უწყებაში არაფერს ამბობენ, აღიძრა თუ არა საქმე რუსული კანონის მოწინააღმდეგეების მისამართით სატელეფონო მუქარებსა და ფიზიკური ანგარიშსწორების ფაქტებზე.

გაიგე მეტი: "ამჯერად საქართველოს ნომრით დამიკავშირდნენ, მითხრეს, რომ მელოდებოდნენ ბინასთან" — ნათია კუპრაშვილი