რა ხდება: ახალგაზრდული ორგანიზაციები დღეს, 8 მაისს, რუსული კანონის წინააღმდეგ, პარლამენტთან აქციას მართავენ.

  • ამის შესახებ ინფორმაციას დაფიონი ავრცელებს.
  • შეკრება 8 საათზეა დაანონსებული.

დეტალები: ორგანიზატორები აღნიშნავენ, რომ ჯერ პარლამენტთან შეიკრიბებიან, შემდეგ კი, კანონის სრული დაცვით, მსვლელობას მოაწყობენ.

  • "დღეს უფრო მკაფიოდ უნდა გავაგონოთ ჩვენი ხმა ყველას და ყველგან! ყოველ დღე უფრო ბევრნი და ერთიანი უნდა ვიყოთ იმიტომ, რომ ერთიან ერს ვერავინ მოერევა!", — ნათქვამია ორგანიზატორების განცხადებაში.

ბოლო ხაზი: მასშტაბური საპროტესტო აქციები დაანონსდა 11 და 12 მაისს.

  • 12 მაისს, აქციის მონაწილეები გეგმავენ, ღამე გაათენონ პარლამენტის შენობასთან, რადგან 13 მაისს, დილას, მმართველი გუნდი რუსული კანონის საკომიტეტო მოსმენას გეგმავს, მესამე მოსმენით კენჭისყრის მოსამზადებლად.