რა ხდება: 9 აპრილის ქუჩაზე გაუშვეს ცრემლსადენი გაზი და წყლის ჭავლი.

  • ვრცელდება ინფორმაცია, რომ გამოიყენეს რეზინის ტყვიებიც.

დეტალები: პარლამენტის გვერდით მდებარე 9 აპრილის ქუჩაზე, ამ დროისთვის, აქციის მონაწილეები აღარ არიან.

  • აქციის მონაწილეები ცდილობენ, პირველადი დახმარება ერთმანეთს თავად აღმოუჩინონ.
  • ამ დროისთვის, ისინი კვლავ ბრუნდებიან პარლამენტის მიმდებარე ტერიტორიაზე და დაშლას არ აპირებენ.

სპეციალური საშუალებები, მოქალაქეების წინააღმდეგ, გაფრთხილების გარეშე გამოიყენეს.

როგორია შსს-ს პოზიცია: უწყება ამბობს, რომ მას შემდეგ, რაც პარლამენტის მიმდებარე ტერიტორია დატოვეს მათმა დანაყოფებმა, "აქციის მონაწილეები გახდნენ აგრესიულები".

  • სამინისტრო ადასტურებს, რომ გამოიყენეს წიწაკის სპრეი და წყლის ჭავლი.
  • "მოვუწოდებთ აქციის თითოეულ მონაწილეს მშვიდად გამოხატონ პროტესტი, არ დაუშვან ძალადობრივი ქმედებები და დაემორჩილონ სამართალდამცველების კანონიერ მითითებას. კანონდარღვევის ნებისმიერ ქმედებებზე პოლიცია სამართლებრივ რეაგირებას მოახდენს", — ვკითხულობთ შსს-ს განცხადებაში.