სანამ შემდეგ ჯერზე გაცვეთილ ფრაზას "მარადიული არაფერია" იტყოდეთ, გაიხსენეთ გრეის ანატომია, რომელიც უკვე ლამის 20 წელია, ტელეეკრანებს არაფრის დიდებით არ შორდება. სულ ახლახან სერიალს 21-ე სეზონი დაუმტკიცდა და ეს, სიმართლე ითქვას, აღარავის გაჰკვირვებია. ჰოდა, სანამ გრეის ანატომიას ბოლო არ უჩანს, გადავწყვიტეთ, ის რაღაცები ჩამოგვეწერა, რაც ამ სერიალზე "უმცროსია".

1. iPhone

ფოტო: Giphy

იცოდით, რომ Apple-მა პირველი iPhone 2007 წელს, გრეის ანატომიის დაწყებიდან მხოლოდ ორი წლის შემდეგ გამოუშვა?

2. კარდაშიანების პოპულარობა

ფოტო: Giph

აიფონის არ იყოს, კარდაშიანების პოპულარობაც 2007 წელს დაიწყო, როცა დღეს უკვე მილიონერ-მილიარდერების ოჯახი მაყურებელმა რეალითი შოუთი გაიცნო.

3. ბინდის საგა

ფოტო: Giphy

გრეის ანატომიის პრემიერა 2005 წლის 27 მარტს შედგა, იმავე წლის ოქტომბერში კი სტეფანი მეიერის ბინდი გამოვიდა, რომლითაც 21-ე საუკუნის უდიდესი ვამპირული საგა დაიწყო... და დასრულდა. უკვე რა ხანია, გამოსულია ბინდის ყველა წიგნი და ფილმი, გრეის ანატომიას კი დასასრული ისევ არ უჩანს...

4. ჩემი ცოლის დაქალები

ფოტო: ჩცდ / ფორმულა კრეატივი

მართალია, გრეის ანატომიას სეზონების რაოდენობით არც ჩემი ცოლის დაქალებიც ჩამოუვარდება დიდად, მაგრამ ჩცდ 2011 წელს დაიწყო.

5. ბილი აილიშის კარიერა

ფოტო: Giphy

უფრო მეტი დრამატულობისთვის გეტყვით, რომ პოპვარსკვლავი სულ 3 წლის იყო, როცა გრეის ანატომიის პრემიერა შედგა.

6. X (ყოფილი ტვიტერი)

ფოტო: Giphy

ერთ-ერთი უდიდესი სოციალური ქსელი გრეის ანატომიაზე ერთი წლით უმცროსია. ეგ კი არა, ამ დროში სახელის და ლეგენდარული ჩიტის ლოგოს შეცვლაც მოასწრო უკვე.

7. Marvel-ის ფილმები

ფოტო: Giphy

მარველის კინოსამყაროს (MCU) შექმნა 2008 წელს, Iron Man-ის გამოსვლით დაიწყო, ასე რომ...

8. ეროვნული გამოცდები

ფოტო: Giphy

სხვათა შორის, ეროვნული გამოცდები და გრეის ანატომია თითქმის ტოლები არიან — ორივე 2005 წელს დაიბადა. თუმცა, ეროვნული გამოცდები ზაფხულში ჩატარდა.

9. ავატარის სერიალი და ავატარის როლის შემსრულებელიც კი

ფოტო: Giph

ანიმაციური სერიალი ავატარი: ჰაერის უკანასკნელი მბრძანებელი მაყურებელმა გრეის ანატომიის პრემიერამდე ერთი თვით ადრე იხილა. მაგრამ "ლაივ-ექშენ" სერიალი 2024 წელს, გრეის ანატომიის მე-20 სეზონამდე რამდენიმე დღით ადრე გამოვიდა. თანაც, სერიალში აანგის როლის შემსრულებელი გორდონ კორმიეც კი გრეის ანატომიაზე ოთხი წლით უმცროსია.

10. On.ge

ფოტო: Gip

დაბოლოს — გრეის ანატომიის პირველი ეპიზოდი რომ გამოვიდა, On.ge-ის შექმნამდე ჯერ კიდევ 11 წელი იყო დარჩენილი, ამ სტატიის ავტორი კი მაშინ მხოლოდ 4 წლის გახლდათ...