პრეზიდენტმა გიორგი მარგველაშვილმა დღეს, 20 ივლისს, საქართველოსა და იაპონიას შორის ურთიერთობის განმტკიცების საქმეში შეტანილი წვლილისა და ნაყოფიერი დიპლომატიური მოღვაწეობისათვის, იაპონიის ელჩი ტოშიო კაიტანი, ღირსების ორდენით დააჯილდოვა.

ელჩმა საქართველოში მისია დაასრულა. პრეზიდენტთან შეხვედრისას მხარეებმა საქართველო-იაპონიის ურთიერთობა და ქვეყნებს შორის აქტიური ეკონომიკური და პოლიტიკური თანამშრომლობის განვითარების მნიშვნელობა განიხილეს.

გიორგი მარგველაშვილმა იაპონელ დიპლომატს საქართველოს ტერიტორიული მთლიანობისა და სუვერენიტეტის მუდმივ მხარდაჭერაში შეტანილი წვლილისთვის მადლობა გადაუხადა და მას მომავალ საქმიანობაში წარმატებები უსურვა.