საქართველოს პარლამენტში ზურაბ ჯაფარიძე იძულებითი ნარკოტესტირების კანონპროექტის განხილვაზე სიტყვით გამოვიდა და თქვა, რომ იძულებითი ნარკოპოლიტიკა ეწინააღმდეგება იმ საზოგადოებაზე ორიენტირებულ სახელმწიფოს, რომლის დაპირებაც წინასაარჩევნოდ ხალხს ქართულმა ოცნებამ მისცა:

"წელიწადში 15 მილიონ ლარს ვხარჯავთ იმაზე, რომ ადამიანებს ქუჩაში ხელს ვკიდებთ, მიგვყავს სადღაც და ვაშარდინებთ. წელიწადში ამას ვუკეთებთ დაახლოებით 50 ათას მოქალაქეს, მათ 2/3 შემთხვევაში კი საერთოდ არაფერი არ ხდება, თავი დავანებოთ იმას, რომ რომც ხდებოდეს მაინც სიგიჟეა ამის კეთება".

გირჩის ლიდერმა დაასახელა ციფრები, რომლებიც გამოსახავს სახელმწიფო პოლიტიკის პრიორიტეტებს და იმას, თუ რა უჯდება სახელმწიფოს იძულებითი ნარკოპოლიტიკა, ახალგაზრდების განათლება და პენსიონერებზე ზრუნვა:

"წელიწადში სახელმწიფო დაახლოებით 2 ტონა შარდს იბარებს მოქალაქეებისგან, 1 ლიტრ შარდში ვიხდით 6 ათას ლარს, როცა ერთი სტუდენტის 100 პროცენტიანი გრანტი სახელმწიფოს 2,250 ლარი უჯდება, ერთი მოსწავლის წლიური ვაუჩერი, ერთი პენსიონერი კი 1920 ლარს.

ბიბლიოთეკების შენახვაში წელიწადში 8 მილიონ ლარს ვხარჯავთ, ამ შარდის ჩაბარებაში კი 15 მილიონ ლარს".

გუშინ საქართველოს პარლამენტმა იძულებითი ნარკოტესტირების აკრძალვასთან დაკავშირებით დეპუტატ გოგა ხაჩიძის მიერ წარდგენილ ინიციატივას მხარი არ დაუჭირა.