საქართველოს საოკუპაციო ხაზთან აქციის მონაწილეებმა ბანერი აღმართეს სადაც წერია, რომ საქართველოს სახელმწიფო საზღვარი 101 კილომეტრში, როკის გვირაბთანაა. ბანერს საქართველოს და უკრაინის დროშები აქვს მიმაგრებული.

საოკუპაციო ხაზთან აქცია რამდენიმე წუთის წინ დაიწყო და ამ დრომდე გრძელდება. აქციაზე შეკრებილები არიან საზოგადოებისა და მედიის წარმომადგენლები და ასევე, პოლიტიკოსები.

საოკუპაციო ხაზთან პოლიციის თანამშრომლებს კორდონი აქვთ გაკეთებული და აქციის მონაწილეებს არ აძლევენ ამ ხაზის გადაკვეთის საშუალებას. ბანერი, სადაც წერია, რომ საზღვარი 101 კილომეტრშია, კორდონს მიღმაა, მასთან მისვლის საშუალება მხოლოდ ჟურნალისტებს მიეცათ.

ფოტო: გვანცა ნემსაძე / On.ge

ფოტო: გვანცა ნემსაძე / On.ge

რამდენიმე დღის წინ საქართველოს საოკუპაციო ხაზთან ე.წ. საზღვრის აღმნიშვნელი ბანერი კიდევ გაჩნდა. სახელმწიფო უსაფრთხოების სამსახურის განცხადებით, ინფორმაცია, თითქოს რუსმა სამხედროებმა სოფელ ბერშუეთში საოკუპაციო ხაზი გადმოწიეს, სიმართლეს არ შეესაბამება.