თუ გადატვირთული კვირის ფონზე ყველა სიახლეს თვალი ვერ მიადევნე ყველაზე მნიშვნელოვან ამბებს კვლავაც ერთ სტატიაში მოვუყარეთ თავი. გასული კვირა როგორც მსოფლიოში, ისე საქართველოშიც ბევრი ახალი ამბით გამოირჩეოდა. აი, რამდენიმე მათგანი:

1. ნახეთ აქამდე უცნობი ფოტოები "ტიტანიკის" გადასაღები მოედნიდან

ფოტო: BNPS / Henry Aldridge & Song / Mega BNPS

ფილმ ტიტანიკს $2,2 მილიარდზე მეტი აქვს გამომუშავებული, თუმცა ამხელა წარმატების მიუხედავად, თურმე ათწლეულების განმავლობაში უცნობი იყო რამდენიმე კადრს მიღმა ფოტოსურათი, რომელიც გუნდის ერთ-ერთ წევრს 1996 წელს, მექსიკაში გადაუღია. სამოყვარულო ფოტოაპარატით გადაღებულ ამ სურათებში მთავარი როლების შემსრულებელ მსახიობებთან ერთად რეჟისორს და გადამღები ჯგუფის სხვა წევრებსაც ვხედავთ.

უფრო ვრცლად წაიკითხე აქ.

2. ყველასთვის საყვარელი ცუგა კუპატა დაიღუპა

ბათუმის მკვიდრი, კუპატას სახელით ცნობილი უსახლკარო ცუგა დაიღუპა. კუპატა მთელმა საქართველომ სოციალურ ქსელში გავრცელებული ვიდეოთი გაიცნო, რომელშიც ის ბავშვებს ზებრაზე გადასვლაში ეხმარებოდა და ავტომობილის უყურადღებო მძღოლებს უყეფდა.

უფრო ვრცლად წაიკითხე აქ.

3. მერილ სტრიპმა გაამხილა, რომ ქმარს 6 წელია დაშორდა

30 სექტემბერს მსახიობ მერილ სტრიპისა და მოქანდაკე დონ გამერის ქორწინებიდან 45 წელი გავიდა. აღმოჩნდა, რომ 74 და 76 წლის წყვილი ერთმანეთს 6 წელია დაშორდა, თუმცა აქამდე ამას საზოგადოებასთან არ ამხელდნენ. მერილ სტრიპისა და დონ გამერის ქორწინება არათუ ჰოლივუდში, არამედ მთელ მსოფლიოში სამაგალითოდ ითვლებოდა.

უფრო ვრცლად წაიკითხე აქ.

4. adjaranet და iMovies ისევ გათიშეს — რა ხდება

ცოტა ხნის წინ ფილმებისა და სერიალების პოპულარული მეკობრული ვებგვერდები adjaranet და iMovies ისევ გაითიშა. ვებგვერდები პირველად დაახლოებით 1 წლის წინ გაითიშა, რის მიზეზადაც ის დასახელდა, რომ კინო და სატელევიზიო პროდუქცია არალეგალურად, საავტორო უფლებების დარღვევით იყო განთავსებული. მოგვიანებით მომხმარებელთა ნაწილმა საიტების გამოყენება კვლავ შეძლო. თუმცა ამჯერად მომხმარებლები საიტებზე ისევ ვეღარ შედიან.

უფრო ვრცლად წაიკითხე აქ.

5. აბორტი გავიკეთე, რადგან ჯასტინ ტიმბერლეიკი მამობისთვის მზად არ იყო — ბრიტნი სპირსი

ფოტო: Getty Images

მალე ბრიტნი სპირსის მემუარები, სახელად The Woman in Me, გამოვა. წიგნში მომღერალი ისეთ ისტორიებსა და გამოცდილებებს გვიზიარებს, რომლებიც აქამდე საზოგადოებისთვის ცნობილი არ იყო. People-ის მიხედვით, ერთ-ერთი ასეთი საიდუმლო ფაქტი, რომელსაც ბრიტნი 20 წლის განმავლობაში არ ამჟღავნებდა, მომღერლის ორსულობაა. ბრიტნი სპირსი The Woman in Me-ში წერს, რომ ჯასტინ ტიმბერლეიკისგან ორსულად იყო, მაგრამ აბორტის გაკეთება მოუწია.

უფრო ვრცლად წაიკითხე აქ.

6. ახალი კადრები ავატარის სერიალიდან — გაიცანი ცეცხლის მბრძანებლები

ფოტო: Nickelodeon Animation Studio; Netflix

ყველა დროის ერთ-ერთი ყველაზე პოპულარული ანიმაციური შოუ, ავატარი: ჰაერის უკანასკნელი მბრძანებელი, ნეტფლიქსზე სერიალის სახით ბრუნდება. სერიალი, რომელსაც წლებია, სულმოუთქმელად ველოდებით, 2024 წელს გამოვა. ცოტა ხნის წინ უკვე გავიცანით აანგი, კატარა, სოკა და ზუკო. ახლა კი სერიალის სხვა მთავარი პერსონაჟების, კერძოდ კი — ცეცხლის მბრძანებლების დრო დადგა.

უფრო ვრცლად წაიკითხე აქ.

7. სტრასბურგისკენ მიმავალი ევროპარლამენტარები შემთხვევით დისნეილენდში აღმოჩნდნენ

ევროპარლამენტის ასობით წევრი ბრიუსელიდან სტრასბურგში მატარებლით მიდიოდა, როდესაც პარიზის დისნეილენდში აღმოჩნდა. სპეციალურად დანიშნულ მატარებელს თვეში ერთხელ ევროპარლამენტარები ბრიუსელიდან სტრასბურგში მიჰყავს, თუმცა ბოლო ასეთი მგზავრობისას ხარვეზის გამო მატარებელს პარიზში მოუწია გაჩერება და ევროპარლამენტები დისნეილენდში აღმოჩნდნენ.

უფრო ვრცლად წაიკითხე აქ.

8. ბერლინში ებრაელების სახლებზე უცნობმა პირებმა დავითის ვარსკვლავები გამოსახეს

ფოტო: X

ევროპარლამენტის ასობით წევრი ბრიუსელიდან სტრასბურგში მატარებლით მიდიოდა, როდესაც პარიზის დისნეილენდში აღმოჩნდა. სპეციალურად დანიშნულ მატარებელს თვეში ერთხელ ევროპარლამენტარები ბრიუსელიდან სტრასბურგში მიჰყავს, თუმცა ბოლო ასეთი მგზავრობისას ხარვეზის გამო მატარებელს პარიზში მოუწია გაჩერება და ევროპარლამენტები დისნეილენდში აღმოჩნდნენ.

უფრო ვრცლად წაიკითხე აქ.

9. MTV EMAs-ის დაჯილდოება ისრაელ-ჰამასის ომის გამო გაუქმდა

MTV-ის ევროპის მუსიკალური დაჯილდოება (EMAs) წელს აღარ გაიმართება. დაჯილდოება 2023 წლის 5 ნოემბერს პარიზში უნდა შემდგარიყო, თუმცა ისრაელ-ჰამასის ომის გამო გაუქმდა. ხმის მიცემა 31 ოქტომბრამდე კვლავაც გრძელდება და გამარჯვებულებს ჯილდო გადაეცემათ, თუმცა ღონისძიება ფიზიკურ სივრცეში არ შედგება.

უფრო ვრცლად წაიკითხე აქ.

10. თამარ მეფე Age of Empires II-ის ახალი პერსონაჟია — თამაშს ქართული ცივილიზაცია დაემატა

ფოტო: Age of Empires

ვიდეოთამაშ Age of Empires-ში ქართულ ცივილიზაციასა და თამარ მეფეს, როგორც ერთ-ერთ პერსონაჟს, მალე ვიხილავთ. ამ სიახლის შესახებ ინფორმაციას Age of Empires-ის ოფიციალური ვებგვერდი ავრცელებს, სადაც ნათქვამია, რომ ახალ ნაწილში თამაშს საქართველოსა და სომხეთის ცივილიზაციები დაემატა.

უფრო ვრცლად წაიკითხე აქ.