მეთოდოლოგია: CRRC-ის ინფორმაციით, მოსახლეობის გამოკითხვა Zinc Network-ის დაკვეთით 2023 წლის 11 იანვრიდან 8 თებერვლის ჩათვლით პერიოდში ქართულ, სომხურ და აზერბაიჯანულ ენებზე ჩატარდა.

  • ჯამში პირისპირ გამოიკითხა 2 757 რესპონდენტი. გამოკითხვის შედეგები წარმომადგენლობითია მთელი საქართველოსი, ოკუპირებული ტერიტორიების გარდა.
    მათივე ცნობით, ცდომილების ზღვარი +-2.4%-ია.
  • გარდა ამისა, 10-14 მარტს ჩატარდა დამატებით 1 048 სატელეფონო ინტერვიუ. ამ შემთხვევაში ცდომილების ზღვარი +-2,6%-ს შეადგენს.
  • კვლევა საზოგადოების მიერ საინფორმაციო წყაროების მოხმარებას, პროპაგანდისტული გზავნილებისადმი დამოკიდებულებას, საქართველოს ევროკავშირსა და NATO-ში ინტეგრაციას, რუსეთის უკრაინაში შეჭრას და ქვეყნის დემოკრატიულ განვითარებასთან დაკავშირებულ საკითხებს შეეხება.

რატომ არის მნიშვნელოვანი: უკრაინაში ომის დაწყების შემდეგ, ევროკავშირმა რუსეთს და მათ, ვინც მხარს უჭერს პუტინის ომს უკრაინაში, არაერთი სანქცია დაუწესა.

  • სანქციები ერთ-ერთი ეფექტური იარაღია, რომელსაც დასავლური ინსტიტუტები და სახელმწიფოები რუსეთის წინააღმდეგ იყენებენ უკრაინაში შეჭრის გამო.
  • სანქციები სხვადასხვა ტიპისაა და ითვალისწინებს რუსული ეკონომიკის შეზღუდვებს, კრემლის წარმომადგენლების, ოლიგარქებისა და მათთან დაკავშირებული პირების ქონების ჩამორთმევას და აქტივების გაყინვას, მოგზაურობის აკრძალვას და სხვა.

დეტალები: შეკითხვაზე მისაღებია საქართველოს მთავრობის პოზიცია, რომ რუსეთის წინააღმდეგ სანქციებს არ შეუერთდეს საერთოდ არ ეთანხმება გამოკითხულთა 4%.

  • არ ეთანხმება 18 %;
  • ნეიტრალურია 18%;
  • ეთანხმება 36%;
  • სრულად ეთანხმება 11%;
  • პასუხზე უარი კი 13%-ს აქვს.

ასევე, შეკითხვაზე თუ საქართველო რუსეთის წინააღმდეგ სანქციებს შეუერთდება, ეს ნიშნავს, რომ რუსეთი საქართველოსაც დაესხმება თავს, მოსაზრებას 36% ეთანხმება.

  • 3% საერთოდ არ ეთანხმება;
  • 17% არ ეთანხმება;
  • 21% ნეიტრალურია;
  • 7% სრულიად ეთანხმება;
  • 17% კი შეკითხვაზე პასუხი არ აქვს.