ჯუანშერ ბურჭულაძემ აშშ-ის თავდაცვის დეპარტამენტის მიერ ორგანიზებულ უკრაინის საკონტაქტო ჯგუფის შეხვედრაში მიიღო მონაწილეობა.

რატომ არის მნიშვნელოვანი: რამშტეინის სამიტები უკრაინისთვის სამხედრო დახმარების მიწოდების კოორდინაციის მიზნით ეწყობა.

  • აშშ-ის თავდაცვის მდივნის ხელმძღვანელობით გერმანიაში 50 ქვეყნის თავდაცვის მინისტრი და მაღალი რანგის სამხედრო პირი შეიკრიბა.
  • შეხვედრის მთავარი თემაა უკრაინაში რუსეთის აგრესიის შედეგად შექმნილი ვითარება და ქვეყნისთვის შესაბამისი სამხედრო დახმარების უზრუნველყოფა, ასევე უსაფრთხოების გამოწვევები.

დეტალები: შეხვედრას აშშ-ს თავდაცვის მდივანი, ლოიდ ოსტინი უძღვება.

  • "გასული წლის განმავლობაში, უკრაინის თავდაცვის საკონტაქტო ჯგუფის წევრებმა უკრაინას უზარმაზარი დახმარება გაუწიეს. ჩვენ მათ მხარს დავუჭერთ იმდენ ხანს, რამდენიც საჭირო იქნება", — განაცხადა მან.